Фоллимаг 10 мл (2000 хб, концентрат)

Фоллимаг-құрамында бие қан сарысуындағы гонадотропин және қосымша заттар бар препарат.

Препарат сыртқы түрі бойынша мөлдір түссіз немесе сәл сарғыш сұйықтық болып табылады. Фоллимаг ерітіндісі гормоналды белсенділігі 2000 ХБ / құты бар шыны сауыттарға 10 мл өлшеп-оралған күйінде шығарылады.

Құтылар резеңке тығындармен жабылады және алюминий қалпақшалармен оралады. Өлшеп-ораудың әрбір бірлігін дайындаушы кәсіпорын, оның мекенжайы және тауар белгісі, дәрілік заттың атауы, гонадотропты белсенділігі, енгізу тәсілі, сақтау шарттары, препараттың сериясы, жарамдылық мерзімі, техникалық шарттардың белгілері, "жануарларға арналған" деген жазу, "зарарсыздандырылған" деген жазу, сәйкестікті растау туралы ақпарат көрсетіле отырып таңбалайды және қолдану жөніндегі нұсқаулықпен қоса беріледі.

Препарат сақтықпен (Б тізімі) құрғақ, жарықтан қорғалған жерде, 2с - тан 10С-қа дейінгі температурада сақталады, сақтау шарттары сақталған кезде жарамдылық мерзімі дайындалған күннен бастап 2 жыл.  Дәрілік заттың жарамдылық мерзімі аяқталғаннан кейін оны пайдалануға тыйым салынады.

1 құтының құрамында: - БСГ - 2000 ХБ

Фоллимаг құрамында иммуногендік ақуыздардан тазартылған бие қан сарысуының гонадотропты гормоны (БСГ) бар.

БСГ фолликулды ынталандыратын және лютеинизация белсенділігіне ие және спецификалық ерекшелікке ие емес.

Фоллимаг ауылшаруашылық жануарларының аналықтарында фолликулалардың өсуі мен дамуын ынталандырады, ал еркектерде ұрықтың интерстициальды жасушаларының қызметін, тестостерон синтезін және нәтижесінде сперматогенез мен жыныстық белсенділікті арттырады.

Жыныстық жетілуге жетпеген әлсіреген жануарларға, сондай-ақ инфекциялық аурулар бойынша қолайсыз шаруашылықтарда Фоллимагты қолдануға тыйым салынады.

Тығындау тұтастығы бұзылған және заттаңбасы жоқ құтыларды пайдалануға болмайды.

Жануарларға Фоллимаг препаратын қолданғаннан кейін мал өнімдерін азық-түлік мақсатында шектеусіз пайдалануға болады.